Proverbs 31

Izeluleko inkosi ezinikwa ngunina

1Amazwi kaLemuweli ^a inkosi yeMasa, unina amfundisa wona ^b.

2Ini, ndodana yami ^c! Ini-ke, ndodana yesizalo sami ^{d , e}! Ini-ke, ndodana yezithembiso zami ^{f , g}! 3Unganiki amandla akho kwabesifazana ^h, kumbe izindlela zakho ekubhubhiseni amakhosi ⁱ. 4Kakusikwamakhosi ^j, Lemuweli ^k, kakusikwamakhosi ukunatha iwayini ^l, kumbe okweziphathamandla ukuloyisa okunathwayo okulamandla ^m. 5Hlezi anathe, akhohlwe isimiso, aguqule isahlulelo sawo wonke amadodana enhlupheko. 6Phana okunathwayo okulamandla ⁿ kobhubhayo, lewayini kwabababayo emphefumulweni ^o. 7Kanathe, akhohlwe ubuyanga bakhe, angabe esakhumbula usizi lwakhe. 8Vulela isimungulu umlomo wakho, udaba lwabo bonke abamiselwe incithakalo ^p. 9Vula umlomo wakho, wahlulele ngokulunga ^q, umele ilungelo ^{r , s} lomyanga loswelayo ^t.

Umfazi olungileyo

10Ngubani ongathola ^u umfazi okhuthela okulungileyo ^v? Ngoba intengo yakhe iyedlula kakhulu amatshe amahle ^w. 11Inhliziyo yomkakhe ithemba kuye, ukuze angasweli impango. 12Umenzela okuhle, hatshi okubi, insuku zonke zempilo yakhe. 13Udinga uboya bezimvu lefilakisi, asebenze ngenjabulo yezandla zakhe ^x. 14Ufanana lemikhumbi yomthengisi; uletha ukudla kwakhe kuvela khatshana. 15Uvuka kusesebusuku ^y, anike indlu yakhe ukudla ^z, lesabelo kuzincekukazi zakhe ^aa. 16Anakane ngensimu ayizuze; ngesithelo sezandla zakhe ahlanyele ivini ^ab. 17Uyabhinca ukhalo lwakhe ^ac ngamandla, aqinise ingalo zakhe ^ad. 18Uyananzelela ukuthi ukuthengisa kwakhe kuhle; isibane sakhe kasicitshi ebusuku ^ae. 19Welulela izandla zakhe kuluthi lokuphotha, lezandla zakhe zibambe isigodo esilezintambo ^af. 20Welulela umyanga ^ag isandla sakhe ^ah, elulele izandla zakhe koswelayo ^ai. 21Kesabi iliqhwa elikhithikileyo ngenxa yabendlu yakhe, ngoba bonke abendlu yakhe bagqokiswe okubomvu ^aj. 22Uzenzela izembeso ^ak; isigqoko sakhe sililembu elicolekileyo ^al leliyibubende ^am. 23Umkakhe ^an uyaziwa emasangweni ^ao, lapho ehlezi labadala belizwe ^ap. 24Wenza ilembu elicolekileyo kakhulu, alithengise ^aq; anike umthengi ibhanti ^ar. 25Amandla lodumo kuyisigqoko sakhe ^as; uyahleka mayelana losuku olulandelayo ^at. 26Uvula umlomo wakhe ngenhlakanipho; lemfundiso yomusa iselimini lwakhe. 27Uqaphela inhambo zomuzi wakhe; kadli isinkwa sobuvila. 28Abantwana bakhe bayavuka bathi ubusisiwe, lomkakhe laye uyamdumisa: 29Manengi amadodakazi enze ngenkuthalo, kodwa wena wenyukile phezu kwawo wonke ^au. 30Ubuhle buyinkohliso, lokubukeka kuyize; owesifazana owesaba iNkosi yena uzadunyiswa ^av. 31Mnikeni okuvela esithelweni sezandla zakhe, lemisebenzi yakhe kayimdumise emasangweni.